Актуелниот градоначалник на скопската општина Ѓорче Петров, Сокол Митровски, ќе ја води општината и во следните четири години.
Според официјалните резултати објавени на веб страницата на ДИК, по прегласувањето во едното избирачко место во вториот изборен круг, Сокол Митровски изборите ги заврши со предност од нешто помалку од 1.200 гласа пред противкандидатот Александар Наумовски од СДСМ, кој пред неколку дена се откажа од изборната трка, обвинувајќи за манипулации и најавувајќи пријави против функционери на ВМРО-ДПМНЕ.
Според целосно обработените резултати, Митровски освоил 11.893, а Наумовски 10697 гласови.