Софија Куновска си поднесе оставка од местото претседател на Градската организација на СДСМ, информацијата за А1он ја потврдуваат партиски извори.
Куновска, која беше и пратеник во последниот парламентарен состав, е незадоволна од предложената листа за кандидати на пратеници, особено на ставањето на Лилјана Поповска од ДОМ како шеста во првата изборна единица.
Куновска е револтирана бидејќи Поповска беше втора, или веднаш зад Груевски како кандидат на коалицијата предводена од ВМРО-ДПМНЕ на последните избори.
Реакцијата за поставувањето на Поповска е и поради фактот што токму Лилјана Поповска на црниот понеделник, гледаше и не реагираше на тепањето и исфрлањето на пратениците и новинарите од собраниската сала, особено насилството врз бремената пратеничка Маринела Тушева.
Софија Куновска овој пат не се најде на листите за кандидат за пратеник од СДСМ.