Општинската Организација на Црвен крст од Велес заедно со медицинска екипа на Институтот за трансфузиона медицина од Скопје денеска изведе акција за доброволно крводаруање во Чашка.
Како што информира за МИА, д-р Бојан Тодоровски од Институтот за трансфузиона медицина од Скопје, во акцијата која е прва годинава во Чашка, собрани се вкупно 47 крвни единици, со што е една од поуспешните во ова населени место во изминативе години.
– Успешноста на акцијата е резултат на хуманоста на крводарителите од Чашка кои и во оваа прва акција за доброволно крводарување годинава само потврдија дека се’ меѓу најуспешните на планот на крводарување во велешкиот поширок регион, потенцира д-р Тодоровски.
Инаку, сите крвни единици од оваа акција ќе бидат наменети за Институтот за трансфузиона медицина во Скопје, односно за потребите од крв на скопските клиники и болниците во земјава.