Полицијата вчера добила пријава за силување на шеснаесетгодишна малолетничка на градскиот стадион во Виница.
Во претпладневните часови во Виница на градскиот стадион У.Ќ.(18) од Виница извршил кривично дело „силување“ над шеснаесетгодишна малолетничка, соопшти полицијата.
Околу 7:30 часот малолетничката заминала на настава во средно училиште, од каде за време на одморот У.Ќ. насилно ја однел кај стадионот и побарал да остане во Виница со него, и да не оди во Германија. Откако малолетничката се спротивставила, тој ги врзал рацете, нозете и устата со фластер, по што го извршил кривичното дело, посочи полицијата.
Увид на местото на настанот извршила екипа од ПС-Кочани. По наредба на Јавен обвинител, У.Ќ. бил лишен од слобода и задржан во ПС-Виница.
По целосно расчистување и документирање на случајот ќе биде поднесена соодветна пријава.