Доцна попладнево ДИК ги објави финансиските извештаи за кампањата на претседателските кандидати.
Меѓу објавените е и тој на кандидатката Гордана Силјановска Давкова каде пишува дека потрошила околу 165 илјади евра. Според податоците таа има приходи од 204 илјади евра, а донации стигнале од 250 физички лица.
Најголема донација има од потпретседателот на ВМРО-ДПМНЕ Александар Николоски 3 илјади евра, а пратеникот Антонијо Милошоски донирал 2,5 илјади евра.
Претходно, на страницата на ДКСК беа објавени извештаите за Стево Пендаровски кој според податоците потрошил 480 илјади евра, а Блерим Река 25 илјади евра, во првите десет дена од кампањата.
Извештајот на Силјановска не беше објавен , бидејќи од ВМРО-ДПМНЕ го пратиле преку препорачана пошта.
Рокот за доставување измина синоќа на полноќ.