Сиљановска-Давкова по дополнителните анализи ќе даде предлог за гувернер на Народната банка

Од:

Предлогот за гувернер на Народната банка денеска нема да биде доставен до Собранието. Претседателката Гордана Сиљановска-Давкова, како што информираат од нејзиниот Кабинет, вчера имала разговор со кандидатите за гувернер и ќе направи дополнителни анализи по што ќе го достави предлогот до законодавниот дом.

Од Кабинетот на претседателката нагласуваат дека тоа и го дозволува законот и дека тоа што предлогот ќе биде доставен за некој ден нема да влијае врз работата на институцијата затоа што до изборот на нов гувернер, функцијата ја врши актуелниот гувернер.

Меѓу кандидатите кои се споменуваат за оваа функција се актуелната гувернерка Анита Ангеловска-Бежоска, професорот Трајко Славески и поранешниот министер за финансии Зоран Ставрески.

И од Собранието утринава информираа дека досега не е пристигнат предлогот за гувернер.

Петгодишниот мандат на актуелната гувернерка Анита Ангеловска Бежоска која стапи на функцијата на 22 мај 2018 година, истекува на 21 мај.

Би можело да ве интересира

Сиљановска-Давкова од Хаг повика да се деблокира процесот на проширување

Луѓе кои со векови се декларирале како Македонци, сега ја менуваат определбата под притисок на економските потреби

Горан Наумовски

Не е проблем да разговарам и со бугарскиот премиер Жељазков, вели Сиљановска-Давкова

Сиљановска-Давкова: Овој ден нека нè поттикне и понатаму да се гордееме со нашето културно и духовно наследство

Седницата за избор на гувернер на Народната банка е закажана за среда, 28 мај

Сиљановска-Давкова: Не може да остане во Уставниот суд личност која што е избрана на неуставен и незаконски начин