Визната либерализација за Македонија сеуште важи, но работиме со македонската влада за да се спречи злоупотребата, за да не мораме да ја преиспитуваме одлуката за визното олеснување. Ова го изјави холандската амбасадорка Мариет Шурман на отварањето на новата канцеларија на Транспаренси интернешнл во Тетово.
Шурман смета дека, како во изминатите две години, така и понатаму треба да се продолжи во борбата против злоупотребата на визната либерализација, за да се зачува за оние за кои е наменета.