Струјата од денеска е поскапа за 9.82 %. Но покачувањето всушност е многу поголемо, зошто е укинува дневната евтина тарифа што досега граѓаните ја користеа од понеделник до сабота.
Регулаторите го исполнија барањето на ЕВН за овој потег. Според најновите измени во тарифникот, засега останува да важи евтината тарифа на струјата во ноќните часови, од 22 до 7 часот наутро.
Од денеска поскапо е и парното за 3,15 проценти за корисниците на услугите на Топлификација, а 3,75 проценти за тие што ги користат услугите на топланата „Скопје Север”.
А1 дознава дека се очекува и поскапување на брашното за 30-40 %, а тоа ќе повлече покачување на цената на лебот за околу 5 денари.
Сега се трошат последните количества брашно од увоз, па новата цена се очекува веќе наредната недела. Дел од поскапувањето е и поради зголемените цени на енергенсите.