Никола Груевски лаже, соочен со изборниот пораз, трча низ државата и ветува се и сешто без никаков основ. Денеска излажа дека ќе вложи 33 милиони евра за медицинска опрема и апарати во здравството. Ова е извадок од Буџетот за 2017 година, истиот оној Буџет што власта го донесе пред распуштањето на Собранието, рече Петре Шилегов, портпарол на СДСМ.
Во Буџетот на Р.Македонија не постои ставка од 33 милиони евра за медицинска опрема, туку ставка од само 4.5 милиони евра и тоа за три години, што ги предвидела Владата за здравството. И 4.5 милиони евра што треба да треба да ги предвидат самите установи.
Тоа значи дека Никола Груевски лаже дека ќе има наводни инвестиции во здравството од 33 милиони евра.
Никола Груевски излажа и кога најави 140 градинки за 25 милиони евра. Во истиот овој Буџет се предвидени само 1.290.000 евра за детски установи и тие исто така за наредите три години.
Никола Груевски никогаш повеќе нема да владее во Македонија и повеќе ги нема трите години што ги најавува.
Никола Груевски е во паника бидејки не реши ниту еден проблем на граѓаните. Граѓаните се оставени да умираат по болниците поради лошиот здравствен систем што 10 години се темели само на тендери од коишто профитираат фамилијата и нејзините соработници.
За СДСМ здравјето на граѓаните е еден од врвните приоритети, поради што ќе обезбедиме современо, квалитетно и достапно јавно здравство за сите граѓани, со болничко лекување бесплатно за сите, со квалитетни лекови, кај добри лекари. На тоа се обврзуваме во Планот за живот во Македонија.