Шекеринска: Во иницијативите за одбрана ЕУ да вклучи и сојузници кои не се нејзини членки

Од:

Европската унија во своите одбранбени иницијативи треба да вклучи и што повеќе сојузници, кои не се членки на Унијата, порача заменик генералната секретарка на Алијансата, Радмила Шекеринска во обраќање пред Комитетот за безбедност и одбрана на Европскиот парламент (СЕДЕ).

Шекеринска нагласи дека во актуелниот безбедносен контекст во кој Европа се соочува со нестабилност и закани од многу правци „наша најсвета должност е да ги чуваме нашите луѓе безбедни“.

Таа истакна дека НАТО и ЕУ се природни и незаменливи партнери и затоа е важно да продолжи зајакнувањето на нивната меѓусебна соработката, при тоа поздравувајќи го Планот „Ревооружување на Европа“ на Еврокомисијата, зголемувањето на инвестициите во одбраната од страна на членките на Унијата, како и европската поддршка за Украина.

Шекеринска потенцира дека Унијата може да го искористи својот уникатен економски потенцијал за зајакнување на одбранбеното производство, иновациите и воената мобилност во согласност со воените планови, способностите и стандарди на НАТО.

Таа ги поздрави иницијативите на европско и национално ниво за зголемување на трошоците за одбраната и за зајакнување капацитетите и подготвеноста, истовремено истакнувајќи дека трансатлантските односи остануваат камен-темелник на европската безбедност. Во своето обраќање пред европратениците, таа ја истакна и потребата од „посилен европски столб во рамките на силно НАТО“.

Би можело да ве интересира

Шекеринска: Ниту сум имала контакт со семејството на возачот кој ја прегази Фросина, ниту сум ургирала за некого

А1он

Шекеринска: Во овој понестабилен и поопасен свет, демократиите мора да преземат акција

А1он

Фон дер Лајен – Руте: Партнерството ЕУ-НАТО е камен-темелник на европската безбедност

А1он

Претседателката Сиљановска Давкова ја прими Радмила Шекеринска, новоизбраната заменик-генерална секретарка на НАТО

Мицкоски: Немавме никаква дилема да ја поддржиме Шекеринска, и се јавив уште вчера

Катерина Ѓуровски

СДСМ: Малодушноста на ВМРО-ДПМНЕ блеска посилно од кога било