Седум македонски студенти денеска добија решенија за стипендии со кои имаат можност да се школуваат во високо образовните установи во Словачка.
Четири од студентите добија целосни стипендии за прв и втор циклус на студии заедно со вклучена едногодишна програма за изучување на словачкиот јазик. Останатите тројца студенти добија стипендии за курсеви по словачки јазик, како и подготвителен курс за полагање на квалификациски приемни испити на Униврзитетот „Комениус“ во Братислава.
Министерот за образование и наука Спиро Ристовски, истакна дека Македонија досега има воспоставена билатерална соработка со 30 земји, меѓу кои и со Владата на Словачка.
Амбасадорот на Словачка во Македонија, Роберт Кирнаг, објасни дека секоја година се нудат стипендии за мобилност во мај и октомври, што значи дека запишаните студенти во Македонија после својот престој во Словачка го продолжуваат своето образование во Македонија. Македонските студенти во јавните универзитети во Словачка може да студираат под исти услови како словачките, односно без плаќање на школарина, посочи Кирнаг.
На прес конференцијата беше објавено дека се превземени активности и започнати преговори со гимназијата „Орце Николов“ за да се воведат курсеви по словачки јазик за идните студенти повеќе познавања.
Темјана Поповска