Двајца лекари се степаа во Клиничката болница – Штип во текот на вчерашниот ден.
Според соопштението на Секторот за внатрешни работи Штип, настанот е пријавен вчера во 12:45 часот.
– На 5 февруари во 12:45 часот во СВР Штип, Н.Т. од Штип пријавил дека на работното место во операциона сала во Клиничка болница – Штип бил физички нападнат од неговиот колега З.Ш., на што возвратил – се вели во соопштението од СВР-Штип.
Во него се наведува дека по целосно расчистување и документирање на случајот ќе биде поднесена соодветна пријава.
