Партиска делегација на СДСМ, предводена од секретарот на партијата, Андреј Петров во чиј состав беа координаторот на советничката група на СДСМ во Град Скопје, Софија Куновска и членот на советот на Град Скопје, Александар Наумовски, положија цвеќе пред Споменикот на македонските бранители во паркот „Жена борец“ во чест на празникот 8-ми септември, Денот на независноста на Република Македонија.
Партиска делегација, предводена од кандидатот за градоначалник на Прилеп, Хари Локвенец и пратеникот Горан Сугарески, положија цвеќе на Могилата во Прилеп.
„Денес, во 21-ви век, кога ја прославуваме 21-та годишнина од осамостојувањето, разумот, чесноста, домаќинското и одговорно однесување ни се потребни исто толку како во периодот кога се носеше одлуката. Денес вистинскиот патриотизам се мери со бројот на новоотворени работни места во реалниот сектор“, рече Локвенец.