„Лекарите не се трговци на мало, ниту пак маркетинг агенти. Опасно е да се става настрана искуството, едукацијата и научниот пристап, и квалитетот да се замени со квантитет. Ставајќи ги лекарите под норма се создаваат услови да се врши притисок врз вработените во јавното здравство. Наместо да се бават со притисоци врз лекарите нека поведат сметка зошто во болницата во Отешево, 6 дена болните со шишиња вода од езерото носат за задоволување на основните хигиенски потреби, бидејќи нема вода во болницата“, рече на прес конференција, Андреј Петров.
Во проектот „плата по учинок“ всушност се крие обидот на мала врата да им се намалат платите на лекарите, рече Петров.
Незадоволството, вели, ескалира во неколку здравствени установи,лекарите креваат глас против оваа квазиреформа на министерот Тодоров.
