СДСМ: Поврзаност на Сашо Мијалков со „Курир“

Од:

„Минаа недели, се уште нема одговор што навистина е Курир, информативна агенција, интернет портал, агенција-партија?

Нема одговори ниту на прашањето кој го финансира „Курир“?

Дали една од причините за молкот е поврзаноста на фирмата сопственик на „Курир“, ЕМ МЕДИА ДООЕЛ Скопје, со братучедот на Никола Груевски, Сашо Мијалков?

Официјалните документи покажуваат дека фирмата ЕМ МЕДИА е основавана од Ацо Мисајловски, брат на министерот за транспорт и врски Владо Мисајловски, од ВМРО-ДПМНЕ.

Од оваа година, нов сопственик и управител на фирмата којашто стои зад „Курир“ е главниот уредник Саше Стојановски. Дополнително, Стојановски се јавува како сопственик на „Канал еден телевизија ДООЕЛ“ од Велес. Од историјатот на оваа телевизија видливо е дека на 23.11.2012 година во сопственичката структура фигурира и фирмата НВСП.

НВСП пак е фирмата којашто се јавува како основач на агенцијата за обезбедување СГС, зад којашто во проектот Вистината за Македонија се покажа дека стои лично братучедот на Никола Груевски, Сашо Мијалков.

Јавноста ја слушна вистината: братучедот на Никола Груевски, Сашо Мијалков, стои зад фирмата СГС којашто добива милионски тендери од институции, министерства, општини, јавни претпријатија, раководени од кадри на ВМРО-ДПМНЕ.

После оваа јасна поврзаност на „Курир“ и Сашо Мијалков јавноста очекува одговор на прашањето: кој и на каков начин го финансира „Курир“, се вели во соопштението на СДСМ.

Би можело да ве интересира

Шукова: Верувам дека културата не е трошок, туку инвестиција во иднината на еден град

Требаше да биде кандидат на СДСМ, а му се приклучи на тимот на Ѓорѓиевски во трката на Скопје

СДСМ бара Сиљановска да не го потпишува Указот за Законите за полиција и МВР

ВМРО-ДПМНЕ: За ситни политички поени, СДС ја стави Македонија во пламен

Горан Наумовски

(ВИДЕО) Трајчулески до Мицкоски: Зошто го отворате прашањето за македонскиот јазик, не враќате во времето на Груевски со истите мотиви?

(ВИДЕО) Стојчевски: Лефков е симбол на сѐ погрешно во ВМРО-ДПМНЕ, сее лаги, а молчи за Кочани

Горан Наумовски