Крајот на владеењето на Никола Груевски ги стави во паника сите партиски ограноци на ВМРО ДПМНЕ. Во страв од промените кои доаѓаат Никола Груевски и раководството на ВМРО ДПМНЕ ја губат довербата и кај своето членство.
Од распуштањето на Парламентот и распишувањето на изборите во ВМРО ДПМНЕ Крушево се случуваат многу превирања, надмудрувања и нечесни игри.
Хаосот во партискиот штаб на партијата која сериозно ја губи својата поддршка кај народот зборува за стравот од изборниот пораз кој ќе следи на 11 декември.
Меѓусебните превирања покажуваат дека на партиските фунцкионери не им се важни крушевчани, туку само сопствените амбиции и сопственото материјално богатство. Новокомпонуваните вмровци се обидуваат да им ги преземат местата на постарите приврзаници на партијата и тоа само додава масло на огнот.
Промените доаѓаат и правдата ќе биде задоволена. Граѓаните на Република Македонија ќе си ја вратат државата назад и ќе расчистат со криминалците кои ги угнетуваат изминатите 10 години. Со Никола Груевски и ВМРО ДПМНЕ е завршено, велат од СДСМ Крушево.