Работното лето на СДСМ ќе продолжи поинтензивно во август, септември и октомври, а нашите кандидати во сите средини уживаат огромен углед и доверба меѓу граѓаните, реагира опозициската партија на прес-конференцијата на ВМРО-ДПМНЕ на која Александар Николоски рече дека митинзите на СДСМ се слабо посетени и дека тоа е причината што митингот во Скопје е двапати одложуван.
„На 28 октомври на големиот народен митинг сите ќе имаат можност да го видат победничкиот тим на здружената опозиција во Скопје и да се уверат во квалитетот на кандидатите на СДСМ во градот Скопје“, стои во дописот на СДСМ.