СДСМ денеска ја обвини власта за „злосторство врз културното наследство на Плаошник“.
Опозициската партија, како што соопшти, по декември ќе ги стопира сите градежни активности на овој локалитет.
– Залудно министерката Канческа Милевска сака да го сокрие од јавноста злосторството што го направи. Власта го уништи преубавиот поглед на локалитетот Плаошник, иако УНЕСКО ги предупреди да не го прават тоа, наведува СДСМ во соопштението.
СДСМ наведува дека ќе ја обнови уништената шума, ќе го зачува културното наследство, а Охрид ќе го врати на културната и туристичка мапа како светски културен центар на Словенската писменост.
– Ветуваме, уништувачите на културното наследство ќе одговараат, а граѓаните и туристите ќе бидат сведоци на вистинска грижа и заштита на културното богатство на Плаошник и Македонија, стои во соопштението од СДСМ.
