Амбасадата на Руската Федерација во Македонија вечер со прием во хотелот „Александар палас“ во Скопје ќе ја одбележи 70-годишнината од Победата во Големата Татковинска војна.
Приемот ќе претставува оддавање почит кон споменот на сите војници-антифашисти и недолжни цивили кои ги дадоа своите животи во оваа страшна борба со најголемото зло во светот во сите негови форми и облици, кои се бореа и страдаа за да сите ние сега живееме слободни и независни, информираат од Амбасадата на Руската Федерација.