Ристовски: Зајакнувањето на свеста, причина за зголемениот број случаи на семејно насилство

Од:

Во првите шест месеци од годинава во Македонија се регистрирани 415 случаи на семејно насилство. Најголем дел се случаи на физичко насилство, во помал број психичко, а многу мал процент психичко и сексуално насилство. Во пораст е семејното насилство над мажите, кои во 62 случаи пријавиле дека биле малтретирани од своите сопруги.

Бројката на регистрирани случаи годинава е во пораст, со оглед на тоа што во текот на целата мината година имало 730 случаи. Зголемувањето, како што појасни министерот за труд и социјална политика Спиро Ристовски, се должи на зајакнувањето на свеста кај жртвите на семејно насилство и охрабреноста да го пријават во институциите.

„Од вкупниот број случаи, само 20 се засолнети во регионалните шелтер центри каде им се дава неопходната помош. Од нив, 15 жртви се во центарот во Скопје, четири во Кочани и еден во Свети Николе“, рече Ристовски.

Од денеска во функција повторно е ставен и шелтер центарот во Битола, кој со средства од УНДП беше реновиран изминатите неколку месеци. Македонија во моментов има вкупно четири шелтер центри кои нудат заштита на жрвите на семејно насилство.

Во шелтер центрите жртвите на семејно насилство можат да бидат сместени три месеци, со можност за продолжување за уште три месеци, период во кој се преземат мерки за подобра интеграција на жртвите во општеството. Министерот Ристовски рече дека се работи и на економско закрепнување на жртвите со цел тие да можат самостојно да го продолжат животот.

Тој смета оти четирите центри не се доволни да ја покријат целата територија, но сепак, потенцира дека никогаш не се случило некоја жртва на семејно насилство да не биде згрижена поради недостиг на место, како и дека капацитетите на центрите никогаш не биле исполнети.

„Ако до пред некоја година воопшто не се говореше за шелтер центри сега имаме четири регионални со капацитет кој досега се покажа како доволен. Но, секако, нашите очекувања се дека како што ќе се развива свеста, ќе почне почесто да се пријавува насилството, без разлика дали е физичко и или психичко. Ние тоа ќе го следиме и секако дека ќе отвораме дополнителни шелтер центри“, рече Ристовски.

Во шелтер центарот во Битола, кој од денеска повторно е ставен во фукнција, од отворањето во 2004 година, досега биле згрижени 31 жртва на семејно насилство на возраст од две до 52 години.

Би можело да ве интересира

Владата го поддржува рушењето на дивоградбите на охридското крајбрежје

Жарко Настоски

Владата го усвои скратениот полицискиот час, за патниците од Индија и Бразил – 14 дена карантин

Жарко Настоски

Владата ќе основа медиумски фонд за проекти од јавен интерес

Жарко Настоски

Владата ги ажурира податоците, за граѓаните по пет месеци да ги добијат 6.000 денари кои им беа ветени

Кристијан Ландов

Владата го утврди текстот на Законот за учебници, бил усогласен со препораките на ЕК

Жарко Настоски

Владата дава државно земјиште во Свети Николе под долготраен закуп за сончеви централи

Жарко Настоски

Leave a Comment

twenty − 9 =