Познатиот хрватски актер со српско потекло, Раде Шербеџија стана Македонец. Имено, минатата година тој се пријавил за македонско државјанство, а годинава барањето му било прифатено, пишува „Утрински весник“.
Шербеџија, кој покрај хрватскиот поседува и словенечки пасош, е еден од 250 „ВИП“ граѓани кои согласно член 11 од Законот од 1992 година, се стекнаа со државјанство на Република Македонија од категорија особен спортски, научен, економски или културен интерес.
Раде Шербеџија добро зборува и македонски јазик, на кој вели дека го учел неговиот пријател, режисерот Милчо Манчевски.