Прва венчавка по 35 години се случи денеска во едно од најпустите мариовско села, Зовиќ кое е 50 километри оддалечено од Битола. Невестата Шпанка, зетот по потекло од ова село, инаку роден во Швајцарија.
Триесетгодишниот Валентин и тригодини помладата Џенифер, изминатите години доаѓале неколку пати на одмор во Мариово, а убавините на овој крај биле предизвик својата 10-годишна врска да ја крунисаат со брак во црквата „Свети Никола“ во Зовиќ, објави телевизија Телма.
Џенифер е Шпанка, а јас сум роден во Швајцарија и дојдовме тука за да направиме убава свадба, бидејќи сакаме Зовиќ повторно да заживее, да ја вратиме традицијата, изјави Владимир Секуловски.
– Овде е многу убаво, жално е што патот до Зовиќ не е направен. Сакав тука да направиме свадбата затоа што местото има ретка убавина, но и затоа што свадбите во хотел се досадни, а оваа свадба е нешто посебно и оригинално – изјави Џенифер Секуловски.