Во Велес од кружниот тек на „Авона“ стартуваа мирните протести на граѓанска иницијатива „Протестирам“.
Граѓаните кои им се приклучија на невладината „Притестирам“ се движеа кон Трговскиот центар до пред зградата на Општина Велес и понатаму по главната улица се’ до Плоштадот С’рмаале.
Александар Стојковски од невладината „Протестирам“ изјави дека бараат претседателот Ѓорѓе Иванов да го укине помилувањето за секој што направил криминал и секој да одговара за тоа што го направил.
– Како и вчеравечер и вечерашните протести се мирни и секој граѓанин кој ќе ни се приклучи ќе може демократски и достоинствено да излезе на улица и го искаже својот револт, потенцира Стојковски.
Потсети дека невладината „Протестирам“ дава поддршка на работата на Специјалното јавно обвинителство.
Фото: МИА