Возачот на фолксвагенот турна кој вчера беше дел од сообраќајната несреќа во која се судрија невоиот автомобил и косовскиот БМВ кое излета во лепенец е приведен информира Министерството за внатрешни работи.
Од МВР информираат дека во возилот имало четири лица од кои едното на 21-година е извелчено и пренесено во болницата „8 Септември“. Се трага по 16-годишник и уште по возачот и уште едно лица кое било во автомобилот.
-На 17.06.2023 околу 15.20 часот е пријавено дека на патот Скопје- ГП Блаце се случила сообраќајна несреќа во која учествувале патничко возило „фолксваген туран“ со скопски регистарски таблички, управувано од Б.Б.(64) од Скопје и патничко возило „бмв“ со косовски регистерски таблички, управувано од Н.П.(60) од Косово, кое по несреќата паднало во реката Лепенец. Во возилото „бмв“, според пријавеното, покрај возачот имало и тројца сопатници М.П.(48), Ш.П.(21) и 16 годишен малолетник. По несреќата сопатникот Ш.П. е изваден од реката и пренесен во ГОБ „8 Септември“ каде од лекар му биле констатирани телесни повреди, а по останатите три лица се трага од страна на екипи од Одделот за специјални полициски операции, информираат од МВР.
Увид на местото на настанот извршиле Јавен обвинител и екипа од СВР Скопје, а по наредба на јавен обвинител возачот на возилото „фолксваген туран“ Б.Б. е лишен од слобода и задржан за понатамошно постапување.
