Градежни зафати за пристапни рампи за инвалидизирани лица деновиве почнаа на Шумарскиот факултет, Факултетот за земјоделски науки и храна, Факултетот за ветеринарна медицина (декенат и институт) и на Природно-математичкиот факултет.
Универзитетот „Св. Кирил и Методиј“ издвои околу 8 милиони денари за пристапни рампи кои, покрај на тие четири факултети, ќе бидат поставени и на Архитектонски, Градежен, Медицински факултет-деканат, Медицински факултет-институти, Медицински факултет-судска медицина, Машински факултет, Факултет за електротехника и информациски технологии, Педагошки факултет-главен влез, Педагошки факултет (ФЛУ).
Рокот за завршување на градежните работи е четири месеци.