Порталот на албански јазик, Порталб извести дека тројца Албанци се брутално претепани во скопската населба Ѓорче Петров, меѓу кои и едно 15-годишно девојче. До тепачката дошло по завршувањето на натпреварот Тетекс – Шкендија.
„Хулигани Македонци го прекинаа натпреварот и влегоа на терен, напаѓајќи ги тетовските фудбалери. По крајот на натпреварот, истите хулигани нападнале и брутално претепале тројца Албанци во автобусот бр. 2, од кои две постари лица и едно девојче од 15 години, воедно заканувајќи им се со ножеви“, пишува порталот.
Хаџи Муса, еден од нападнатите за порталот изјави дека напаѓачите извадиле нож, во намера да го нападнат девојчето, но тој се спротиставил и ги спречил, по што и него го нападнале.
„Бев со еден пријател и неговата внука, внатре во автобусот. Одеднаш почнаа да трчат сите тие, беа околу 300, удираа по автобусот. Потоа влегоа во автобусот и извадија нож. Јас го одбранив девојчето, но потоа не претепаа. Да не беа полицајците Албанци, ќе бевме мртви“ изјави Хаџи Муса, кој двајца нападнати заврши во болница.