Меморијалниот центар на холокаустот на Евреите од Македонија организира предавање за одбележување на 27 Јануари – Меѓународниот ден на сеќавањето на жртвите на холокаустот.
Предавањето ќе го одржи м-р Теон Џингов, а ќе присуствуваат ученици од основните училишта „Димитар Миладинов“, „Ѓоргија Пулевски“, „Петар Поп Арсов“ и „Крсте Мисирков“.
Меѓународниот ден на сеќавањето на жртвите на холокаустот се одбележува на 27 јануари со одлука на Генералното собрание на Обединетите нации од 2005 година, зашто на тој датум во 1945 година најголемиот нацистички логор на смртта, Аушвиц – Биркенау, бил ослободен од војниците на Советскиот сојуз.