Пожарот кај Богданци не е ставен под целосна контрола, но во моментов нема активно горење информираат од Центарот за управување со кризи.
Пожарникарите од Гевгелија, Валандово, Кавадарци и Штип, заедно со тим од ДЗС, Национални шуми и јавното комунално претпријатие од Богданци се обидуваат да го заобиколат пожарот од сите страни за да го изгаснат.
На терен се вкупно околу 65 лица како и градоначалникот на Богданци, Блаже Шапов. Ако подоцна дојде до разгорување на пожарот на располагање стојат три ер-трактори на ДЗС како и два хеликоптери на МВР.
Силниот пожар избувна во нискостеблеста шума и сува трева и бргу зафати поголема површина.