Повреден командирот на штипската Пожарна и уште еден негов колега при гаснење на пожар

Од:

Командирот на Територијалната Противпожарна единица (ТППЕ)-Штип, Благој Ренџов при вчерашното гаснење на пожарот на старата депонија меѓу штипските населби Пребег и Мерите е повреден, односно при интервенцијата се здобил со скршеници на двете раце.

Синоќа заедно со него хоспитализиран е уште еден штипски пожарникар, кој бил заедно со командирот на ТППЕ-Штип при гаснењето на пожарот. Двајцата додека го гаселе огнот паднале во дол, по падот командирот на ТППЕ-Штип Ренџов се здобил со скршеници на двете раце, а пожарникарот има скршеница на едната рака.

Во штипска Клиничка болница се примени синоќа околу 20.30 часот, а командирот на ТППЕ-Штип е задржан на болничко лекување, откако претходно и бил опериран. Инаку за него пожарникарите велат дека во изминатите речиси две недели заедно со нив ги гаснеше пожарите на планината Серта и во штипскиот и неготинскиот дел, не штедејќи се за да се стават пожарите под контрола на неколку локации.

Би можело да ве интересира

Ангелов: За повеќето пожари имаме индиции и докази дека се подметнати

Пожарите не стивнуваат, критично на Готен, кон границата со Грција и кај Прилеп и Кавадарци

Над 50 пожари за 24 часа, уште гори на критичните локации

Активни шест пожари, вкупно 14 на отворен простор

Пожарот во Преспа е под контрола, уште гори на Серта, активно е уште на шест локации

Гори на планината Серта меѓу штипските села Драгоево и Селце