Сопругата на настраданиот пејач на бендот ДНК во трагедијата во кочанската дискотека Наталија Ѓорѓиеска денеска реагираше на неточните објави во медиумите, но и на односот на полицијата.
Таа вели дека поради тоа што некои медиуми објавиле дека Андреј е на домашно лекување, полицијата дошла кај нив дома да го бара. Таа во тоа време пак го барала по болниците.
– Во текот на вчерашниот ден, по потрага на својот сопруг Андреја Ѓорѓиески, да го најдам во некоја од болниците, на домашна адреса не посетила криминалистичката служба која без објаснување го барала мојот сопруг, во присуство на нашето дете.
Истата служба ме побара телефонски во неколку наврати со НАЈНЕХУМАН однос да дадам информација каде е мојот сопруг со цел да даде изјава за настанот, за што истото прашање го упатив кон нив.Од медиумите, кои пренесуваат ЛАЖНИ информации, дознале дека сопругот е на домашно лекување, додека тој лежи во болницата во Кочани, мртов.