Вечерва се отвора 33-то „Скопско лето“. Чест да настапат први ќе имаат Софиската филхармонија и солистот Ана Кондратенко на виолина, а диригенската палка е во рацете на Борјан Цанев .
На 65 настани ќе продефилираат врвни и реномирани уметници.
„Ќе има можност да се проследат над 26 меѓународни концерти на повеќе од 20 локации. „Скопско лето“ треба да го приближи културниот живот на регионот. Ќе има и програма од централниот дел на Европа. На „Скопско лето“ ќе се одржат и изложби меѓу кои е и онаа на девет жени фотографи, рече Мирко Стефановски, директор на „ Скопско лето“.
Че настапат и ученици од МБУЦ „Илија Николовски Луј“, кои ќе одржат рок класика концерт.
Македонскиот балет ќе се претстави балетот „Самсон и Далила“.
На „Скопско лето“ најавена е и премиера на претставата „Госпоѓица Јулија“ на Македонскиот народен театар.
„Скопско лето“ ќе биде затворено на 31 јули во Куршумли Ан со настап на „Леб и сол“ и оркестар од гудачи.