Со читање на студентската химна бруцошите на шесте факултети на Универзитетот Американ Колеџ Скопје (УАКС) ја почнаа новата акедемска година 2015/2016.
На првиот академски час, што се одржа синоќа во хотелот „Александар Палас“, присуствуваа советникот за менаџмент од Амбасадата на САД во Македонија Чарли Винтермејер, министерот за странски инвестиции Џери Наумоф и целиот академски и административен тим на УАКС.
Винтермејер истакна дека со порастот на економијата во Македонија и со присуството на интернационални компании се зголеми потребата од високообразован кадар.
– Сегашните бруцоши имаат можност следниве четири години на УАКС да се здобијат со вештини и знаења и да бидат компетитивни на пазарот на трудот во иднина, Винтермејер.
Министерот Наумоф ги охрабри новите студенти дека направиле најдобар избор за почеток на нивното високо образование. Ја нагласи важноста на упорноста, вербата во себе и континуираниот едукативен процес.
Ректорот на УАКС проф. д-р Марјан Бојаџиев на студентите кои менторирале други студенти и го дале својот придонес во развојот на Клубот на тутори им додели благодарници.