По кратко и тешко боледување денеска почина Светлана Антоновска (65) – основоположник на современата статистика во самостојна Република Македонија и прв директор на Државниот завод за статистика по осамостојувањето на земјата.
Како статистичар, покрај извршувањето на својата раководна функција до 1997 година и во периодот од 1998 до 2001 година, Антоновска беше активен пропагатор и основоположник на унапредувањето на статистичката методологија во Република Македонија, како и за имплементирање на стандардите, класификациите и номенклатурите кои се применуваат во статистичките истражувања во Европа и во светот.
Посмртните останки на Светлана Антоновска ќе бидат изложени во Капелата на Градските гробишта „Бутел“ во Скопје, на 9 октомври 2016 година (недела), од 12 до 13 часот. Погребот ќе започне во 13 часот.