По девет месеци од сообраќајната несреќа во која беше прегазен Срѓан Лазаревски, од страна на градоначалникот на Старо Нагоричане, Миодраг Јовановиќ, тој ќе биде на обвинителна клупа, јави Канал 5.
Јовановиќ се товари дека во април со своето службено возило го прегазил Лазаревски но не му укажал помош.
Градоначалникот остана на својата одбрана во која вели дека не го извршил делото.
Тој кажа дека критичната ноќ со службената „шкода октавија“ поминал порано по улицата каде што се случила несреќата и тврдеше дека не удрил никого.
Утредента кога тргнал на работа ја напумпал издишаната гума кај вулканизер, но не забележал никакви други оштетувања на автомобилот иако според обвинението на службеното возило му била оштетена предната маска, браникот, десниот фар и едната врата.