Тодор Петров едногласно е реизбран на функцијата претседател на Светскиот македонски конгрес на Генералнтоо Собрание на СМК. Тој беше и единствен кандидат за оваа функција,
„Очекуваме заедно со другите македонски органзиации да ја продолжиме битката за државното име. Бараме итно и безусловно прекинување на преговорите за името и ќе побараме во Обединетите нации, откако ќе се навршат 100 години од Букурешкиот договор, да бидеме примени под државното име, со додавката Република како и со признавање на македонскито идентитет и јазик, рече Петров.
СМК ќе бара и да се донесе резолуција во Обединетите нации за враќање на државјанствата и на имотните права на насилно протераните Македонци за време на Балканските војни и Граѓанската војна во Грција.