Петмина кандидати влегуваат во трка за градоначалник на Кавадарци. До Општинската изборна комисија заклучно со продолжениот рок за поднесување на кандидатури, поднесени се и 13 листи со кандидати за советници.
За функцијата прв човек на Кавадарци ќе се борат актуелниот градоначалник Александар Панов како предлог на ВМРО-ДПМНЕ и Коалицијата за подобра Македонија, Бетиан Китев од „Сојуз за иднината“, коалиција предовдена од СДСМ, како и независните кандидати Панчо Минов, поранешен градоначалник и пратеник, Борис Давидов, екс лидер на лозарите и Зоранчо Бојковски, поранешен советник во Советот на општината.
Од советничките листи дури шест се независни.