На црковен собир, во присуство на бројни гости, во гостиварско Долно Јеловце денеска беше осветен новоизградениот конак во манастирскиот комплекс „Свети пророк Илија”.
Со чинот на осветувањето чиноначалствуваше митрополитот Тетовско-гостиварски г.Јосиф со свештенослужители на гостиварското архиерејско намесништво.
Свечениот, значаен ден за селото и поширокиот гостиварски регион, беше збогатен со промоцијата на монографијата „Манастир Свети Пророк Илија” од публицистот и новинар Киро Кипроски. Обемната монографија содржи текстови и над 130 оригинални фотографии низ кои авторот ги бележи најзначајните моменти и ликови од историјата на Долно Јеловце.
На свеченоста, беше кажано дека изградбата на манастирскиот комплекс, пристапниот пат и други зафати го направија селото привлечна локација за посета и престој, а само пред петнасетина години беше без жители. Во знак на благодарност, Црковниот одбор, кон ктиторите на комплексот на Јован и Љупче Пејчиноски, по извршениот чин на осветувањето, им додели плакети.