Осум пожари во изминатото деноноќие, активен пожарот кај кичевското село Цер

Од:

Осум пожари на отворено и неколку помали интервенции се регистрирани во последното деноноќие. Активен е се уште пожарот во реонот кај кичевското село Цер, кој повеже денови е со различен интензитет.

Од Центарот за управување со кризи информираат дека за денеска е планирано јавното претпријатие „Национални шуми“ подружница „Лопушник“ и месното население да интервенираат заедно со воздушна поддршка од страна на МВР.

– Во текот на вчерашниот ден, Јавно претпријатие „Национални шуми“ подружница „Лопушник“ не учествувале во гасење на шумскиот пожар, освен што интервенирале 20-тина граѓани од месното население, а е интервенирано од воздух со хеликоптер на МВР, што во седум до осум наврати истурил вода на опожарениот простор, при што бил неутрализиран еден крак од пожарот. И покрај ваквите интервенции пожарот не е целосно изгаснат и е се уште активен и постои опасност пожарот да навлезе во букова шума, а во тој случај многу тешко би можел да се контролира, се наведува во соопштението од ЦУК.

Првичната информација за пожарот е добиена на 17 јуни на Единствениот повикувачки број за итни случаи 112 дека гори нискостеблеста деградирана шума, сува трева и смрека. За настаната состојба веднаш биле известени Општина Кичево, Териоријалната противпожарна единица Кичево, јавното претпријатие „Национални шуми“ подружница „Лопушник“,Дирекцијата за заштита и спасување и Министерството за внатрешни работи.

Би можело да ве интересира

Тимови од Чешка и Словенија ќе го гасат пожарот на Готен, акцијата се префрла од радовишка кон беровска страна на планината

ВМРО-ДПМНЕ обвини дека уапсениот за подметнување пожар е шофер на Заев: Возеше инспектори, не сум го видел од 2016 одговара екс премиерот

Црвениот крст Берово апелира за донации за екипите што се борат со пожарот

Словенечки пожарникари и специјализирана опрема пристигнуваат во Берово

Ангелов: За повеќето пожари имаме индиции и докази дека се подметнати

Пожарите не стивнуваат, критично на Готен, кон границата со Грција и кај Прилеп и Кавадарци