Со средства од Владата на Република Македонија, општина Демир Хисар ќе набави нови возила за комунален отпад.
Средствата се обезбедени од програмата за развој на планските региони и се во функција на заштитата на животната средина, како и директен придонес во туристичкиот потенцијал на општината.
– Со новото возило за комунален отпад, нашето јавно комунално претпријатие „Комуналец“ – Демир Хисар ќе го подигне степенот на ефикасно вршење на комуналните услуги, но и квалитетот во работата на претпријатието како важен сервис за граѓаните. Новото возило за комунален отпад само по себе го зголемува комуналниот возен парк кој е секојдневно на терен и во сите населени места, кои годинава како избран град на културата во 2018 година, дополнително ги уредуваме и чистиме за да им го зголемиме туристичкиот потенцијал, истакна градоначалникот на општина Демир Хисар, Марјанче Стојановски.
Со владината одлука, општина Демир Хисар но и општина Крушево заеднички добија 5,8 милиони денари за набавка на возила за комунален отпад.