Одделението за превенција, заштита и спасување при општина Делчево ги известува своите граѓани, по повод новогодишните празници да не употребуваат пиротехнички средства, петарди, неовластено и нестручно правење огномети, бидејќи овие активности се казниви според Закон.
Кире Цонев, соработник за превенција, заштита и спасување во општина Делчево информира дека досегашната практика за масовна употреба на најразлична пиротехника треба да престане.
– Сведоци сме и за голем број повреди посебно кај децата од петарди. Затоа, испраќаме апел до граѓаните да не употребуваат пиротехнички средства со цел да се превенираат повреди, но и штети од поголеми размери. Известувањето е со цел заштита на животот, здравјето и имотот на граѓаните на општината, рече Цоневски.