Основното јавно обвинителство за гонење на организиран криминал и корупција преку соопштение објавено на неговата веб страница најостро реагира и ги демантира информациите објавени во неколку медиуми, во врска со наводно спроведување на контра – акција со вршење влијание на вработените во Централниот регистар, а со цел да не се појавеле на работа.
– Истакнуваме дека ширењето вакви шпекулации ја доведува во заблуда јавноста, која за секое постапување на јавните обвинителства е навремено и точно информирана од страна на Службата за односи со јавноста во Јавното обвинителство, се наведува во соопштението од Основното јавно обвинителство за гонење на организиран криминал и корупција.