Основното јавно обвинителство Скопје поведе истражна постапка против лицето кое вчера пукаше во поранешниот министер за здравство, Никола Тодоров.
Осомничениот се гони за сторени две кривични дела и тоа за обид за убиство и со „Недозволено изработување, држење и тргување со оружје или распрскувачки материи“ од член 396 од Кривичниот законик.
Надлежниот јавен обвинител до судот поднесе и Предлог за определување на мерката притвор, бидејќи ценеше дека се исполнети законските основи за нејзиното изрекување.