Судењето за случајот „Кражба во Музеј на Македонија“ во Основниот суд Скопје 1 денеска е одложено по барање на одбраната, бидејќи не ги добила доказите добиени во предистражна постапка. Новото рочиште е закажано за еден месец. Дотогаш адвокатите треба да ги прибават списите за предметот од Обвинителството и да се подготват за рочиштето.
Со обвинението се опфатени седум лица, меѓу кои и поранешниот директор на Музејот.
Од Музејот недостигаат околу 166 артефакти, а обвинетите се товарат за отуѓување културно наследство од особено значење во држава сопственост, несовесно работење во службата и злоупотреба на службената положба и овластување и прикривање.
Осомничените, според обвинението, ги изнесувале вредните предмети од депоата на Музејот и ги препродавале во златарница.