Бранителот на Васил Јованов, Сашко Дуковски најави жалба за висината на казната од 12 години која судот ми ја изрече за прегазувањто на Фросина Кулакова.
– Очекувана беше осудителна пресуда бидејќи признавме вина, но висината на казната не е во согласност со воспоставената пракса на Апелацискиот суд во Скопје – изјави Дуковски.
Тој потсети на претходни случаи во кои биле изрекувани далеку ониски казни. Сообраќајната несреќа од 2019 година, која се случи на истото место и на ист пешачки премин, а завршила со правосилна пресуда од 3,5 години затвор. Го спмена и случајот во Велес, каде што сторителот, и покрај тоа што избегал од местото на несреќата, доби 8 години затвор.
– Секако дека станува збор за трагичен настан, но не може токму овој случај да се користи како основа за воведување нова казнена политика во Македонија. Нашиот приговор се однесува само на висината на казната – рече адвокатот.