Од денеска струјата ќе се наплаќа поскапо за 10 проценти од досегашната цена. Стартува и новата цена за парното, која ќе биде за 3,15 проценти повисока за корисниците на услугите на Топлификација, а 3,75 проценти станува поскапо парното греење за тие што гои користат услугите на топланата „Скопје Север“.
Регулаторната комисија за енергетика одлуката ја правдаше со неликвидноста на „ЕВН Македонија“ и вонредниот увоз на струја преку зимата за која „ЕЛЕМ“ потрошил 30 милиони евра. Како причината за поскапувањето на парното греење се наведува високата цена на мазутот.