Средното електро-техничко училиште на Град Скопје „Михајло Пупин“ денеска и утре е домаќин на традиционалната манифестација „Образовно рандеву 2016“, на која ќе учествуваат 45 средни стручни училишта од Македонија со повеќе од 1.500 ученици.
Организатор на настанот, на кој учествуваат учениците од стручните училиште од земјава, е Младинската асоцијација на средни стручни училишта во Македонија.
Манифестацијата е замислена како креативен натпревар меѓу учениците во 15 различни категории како интервју за работа, јавно говорење, маркетинг план, најдобар бенд, најдобра видео реклама, најдобра фотографија, најдобар филм, најдобра веб страна, најдобар штанд, најдобра драмска изведба, најдобра модна ревија, најдобра поетска творба, најдобар тим во баскет, најдобар пингпонгар и најдобар тим во серва.