Времето денеска ќе биде променливо облачно со повремени локални врнежи од дожд, особено во јужните делови, каде повремено ќе бидат поројни проследени со ретки грмежи. Ќе дува слаб до умерен ветер претежно од јужен правец, соопшти Управата за хидрометеоролошки работи.
Минималната температура ќе биде во интервал од 3 до 9, а максималната ќе достигне од 10 до 14 степени.
Во Скопје променливо облачно, во делови од котлината со услови за повремен слаб дожд. Минималната температура ќе се спушти до 7, а максималната ќе достигне до 13 степени.
Во петок и сабота, како што информира УХМР, времето ќе биде стабилно, а во недела попладне, во текот на ноќта и во понеделник претпладне се очекуваат врнежи од дожд, а на планините од снег. Во понеделник ќе дува умерен до засилен северен ветер, кој ќе предизвика опаѓање на температурата.
