Нуредини: Водно конечно стана заштитен предел и доби интегрирана заштита

Од:

На денешната седница на Владата на Република Северна Македонија, планината Водно на предлог на Министерството за животна средина и просторно планирање конечно го доби статусот на заштитено подрачје согласно законодавството за заштита на природата, со што стана заштитен предел.

„Планината Водно долго време чекаше на добивање на статус на заштитено подрачје согласно постојното законодавство за заштита на животната средина, кое е единствената алатка за овозможување на ваква правна интегрирана заштита во Република Северна Македонија. Работевме напорно за исполнување на нашата обврска за ревалоризација и прогласување на заштитените подрачја како Министерство и се потрудивме да ја обезбедиме максималната заштита согласно законот. Сега следи процесот на подготовка на потребните акти и планот за управување со конкретни мерки, за кои исто така ќе има процес на јавна консултација и ги поканувам експертите и целата јавност да учествуваат во операционализацијата на оваа заштита на вистинскиот начин“ – изјави Нуредини по повод донесената одлука.

Со прогласувањето на дел од Водно за заштитено подрачје согласно националната регулатива, ќе се овозможи: заштита, зачувување и одржливо користење на природните вредности, се назначи Градот Скопје како субјект за управување кој ќе се грижи за подрачјето, и ќе се донесе План за управување кој во себе ќе ги вгради сите потребни мерки и активности за заштита на природата, а особено мерки за управување со просторот и утврдување на систем на мерки и активности за заштита од пожари и други природни катастрофи, меѓу кои и мерките за заштита од ерозија.

Препознавајќи го исклучителното значење на планината Водно и нејзините повеќекратни функции за околните населени места и Градот Скопје, по екстензивните јавни консултации и усогласувања на предлогот, беше извршено дополнување на Одлуката со што се предвидува подготовка и на Просторен план на подрачјето, се обезбедува на исполнување на обврската на локалната самоуправа за утврдување на границите на ерозивни подрачја, како и се забранува изградба на нови објекти, доградба и надградба на постојните и проширување на урбаните опфати на населените места на територијата на заштитениот предел – Водно.

„Важно е што Водно ја доби заштитата согласно постојното законодавство, а во меѓувреме доколку се изработи нова идеја за подобра заштита и регулатива, таа секогаш може да биде дополнително предложена и изгласана од Собранието“- укажа Нуредини.

Би можело да ве интересира

ИЗИИС за свлечиштето на Водно: Најризична варијанта е да се остави градежната јама отворена

Маја Илиевска-Пачемска

(ВИДЕО) Жителите на Водно го повикаа ИЗИИС на увид кај свлечиштето: Куќата сосе темели може да ни падне во јамата

Маја Илиевска-Пачемска

Почна да се лизга земјиштето на Водно за кое соседите стравуваат дека ќе проголта три куќи

Маја Илиевска-Пачемска

ВИДЕО: Уште една приватна тужба за инвеститорите кои на Водно навлегоа во двор на сосетка

(ВИДЕО) Водњанци на протест: Необезбедена градежна јама – закана за уривање три куќи на Водно

Маја Илиевска-Пачемска

Координативен состанок на Нуредини и Пендаровски за климатскиот самит во Глазгов

А1он