На Клиниката за ревматологија денеска официјално беа ставени во функција две нови лаборатории во рамки на проектот на Владата и Министерството за образование и наука за набавка и опремување лаборатории за јавните високообразовни во Македонија.
Со нив на најсовремен начин ќе се дијагностицира остеопороза и други болести. Има апарат за мерење густина на коскена срж (остеодензитометрија), апарат за испитување автоимуни заболувања и ехо-апарат кој досега клиниката го немала, а ќе служи за прецизно и навремено дијагностицирање на болести, но и за превенција.
Министерот за здравство Никола Тодоров, кој на Клиниката беше заедно со премиерот Никола Груевски и со министерот за образование и наука Панче Кралев, изјави дека е многу задоволен од користењето на апаратите.
– На пример, на остеодензитометарот досега има над 700 прегледи и тоа е одлична бројка. Прегледот трае малку подолго, од еден до час и половина, и не може да се прегледуваат повеќе од шест до десет пациенти на ден, но имаме одлична динамика на искористенот на апаратот, рече Тодоров.
Министерот додаде дека вредноста на лабораториите е 12 милиони денари и дека покрај за истражувачка работа на професорите и асистентите од Медицинскиот факултет во Скопје, ќе бидат корисни за пациентите и во функција на здравствениот систем.