Општина Аеродром набави нова спортска опрема за осумте основни училишта на нејзина територија.
Опремата се состои од топки за фудбал, кошарка, ракомет и одбојка, мрежи и голови за ракомет, греди, отскочни штици, душеци, јарци за гимнастички вежби, маси за пинг-понг и други реквизити наменети за развој на спортот во училиштата.
За учениците е набавена и спортска облека, дресови и шорцеви, во осум различни бои, колку што има основни училишта во општината.
– Аеродром важи за најспортска општина и во таа насока новата опрема ќе придонесе за поуспешен развој на училишниот спорт, се вели во денешното соопштение од општината.